موناكو – مدينة (مونت كارلو)
المصريين في الغربة وهما ماشيين بيتفرسوا الوجوة ولما بيلمحوا حد ملامحة مصرية. بيحصل انجذاب وبيتشدوا لية. ودة اللى حصل لما شفنا الفنانة ريتال سامر القطان. فنانة تشكيلية. مصرية مقيمة فى فرنسا تزور موناكو بصفة مستمرة. وحكت لنا حكاية اقترحنا نسميها (فى موناكو رمسيس يتحدى ادونيس).
اولاً .. موناكو دولة صغيرة مستقلة وقريبة جدا من إيطاليا ومن فرنسا. وعرفنا انها بتزور موناكو بصفة دائمة. بتحب تزور المتاحف والشواطئ وهى فنانة تشكيلية وعاشقة للفن. ولما سألناها عن المتاحف في موناكو. بحكم اننا تقابلنا فى متحف الفنون
قالت انا مصرية .. سليلة الفراعنة أصحاب اعظم حضارة. وشفت متاحفنا والكنوز اللى فيها. وعرفت معنى المقولة اللى بتقول (أن المتاحف ذاكرة الامم وسجل تاريخها). وأمارة موناكو نشأت فى القرن السابع عشر الميلادى ولا تملك الا اربع او خمس متاحف ..وعلى سبيل المثال المتحف الفنون اللى احنا فية ..بذمتكم دة يقال عنة أنة تاريخ او ذاكرة آمة.
وباقية المتاحف عبارة عن … متحف لسيارات الأمير ومتحف للطوابع ومتحف للانثربولوجيا .. ولعل اهمهم واقيمهم هو متحف علوم المحيطات.
فى موناكو رمسيس يتحدى ادونيس
اللى عايزة اقولة ان دة يعرفنا قيمة متاحفنا … وأهمية تاريخنا على الاقل عندنا تاريخ بجد نتكلم عنة مش خزعبلات.
واشارات بيدها على لوحة وقالت .. يعنى بذمتكم ينفع نعمل مقارنة بين ثماتيل ولوحات الملك رمسيس وبين منحف اعظم حاجة فية لوحة للسيد ادونيس ؟؟. … طلبنا منها توضح وتكلمنا عن لوحة اودنيس..
قالت… دة لوحة رسمها الفنان (Benjamin West) بنجامين ويست ..وسماها فينوس تبكى أدونيس (Venus Lamenting the Death of Adonis) وحكاية اودنيس زى ما بتقول الأسطورة.. أن (فينوس) آلهة الجمال والحب كانت بتغير من الأميرة (ميرا) لانها حاسة انها أجمل منها .. فقررت الانتقام من (ميرا) وسلطت عليها ابنها (كيوبيد) يضربها بسهم من سهام الحب. (كيوبيد) ضربها بسهم حب طايش وماكر وخلاها تقع فى غرام ابيها .. وطبعاً دة كارثة بكل المقايس وتتنافى مع الاعراف والعادات والتقاليد .
(ميرا) مكنتش عارفة تعمل آية .. فطلبت من الآلهة تحولها لشجرة .. لكن الشجرة دة بعد فترة أنجبت طفل جميل أسمة (أودنيس) .. كبر واصبح شاب وسيم .. ووقعت (فينوس) فى غرامة.
بس (أودنيس) كان مكبر دماغة وسايق الدلال على (فينوس) .. ومش بيسمع كلامها ولا مقدر خوفها علية ونصيحتها لة أنة ياخد بالة من نفسة وهو بيصطاد .وكانت النتيجة ان وهو بيصطاد .. هجم علية خنزير (يقال أنة أحد الآلهة) ويقال أيضاً انة كان بيحب (فينوس) وغيران من (أودنيس) وعلشان كدة هجم علية ونهش لحمة.
(فينوس) لما شافت كدة من السما .. زعلت واتنرفزت … وثارت ثورتها وركبت وزتها ..مهو وسيلة مواصلتها كانت عبارة عن عربية كارو بيجرها وزتين .. عموماً بعد العذاب دة كلة وصلت وحاولت تنقذة .. لكن مات (أودنيس) وحزنت علية (فينوس) وبكت بكاء شديد ..
فى موناكو رمسيس يتحدى ادونيس
وضحكت وقالت … شفت بقى انة مينفعش نقارن بين متاحف مصر اللى فيها الملك رمسيس واقف بعظمة فوق عربيتة الحربية اللى بيجرها حصنانين أقوياء وبين فينوس اللى راكبة عربية كارو بتجرها وزتين.
انا بعتبر ان اوبرا دى مونتى كارلو من اشهر الأماكن اللى بيقصدها السياح خاصة اللى لهم ميول فنية. وشاطئ لافوتو الجميل
وبالنسبة للمتاحف فالمتحف هنا مش قوية قوى زى ماقلتكم ولكن يعتبر متحف موناكو للعلوم البحرية هو الأقوى والأفضل. اما بقى قلعة موناكو فتعتبر أقدم مكان في موناكو ويرجع تاريخها إلى ستمائة عام قبل الميلاد
موناكو,مونت كارلو,دولة موناكو,السياحة في موناكو,مونتي كارلو,إمارة موناكو,خريطة موناكو,فنادق موناكو,راديو مونت كارلو,مهرجان السينما في مونت كارلو,سكان موناكو,امارة موناكو,أمارة موناكو,اين تقع موناكو,شعب موناكو,طقس موناكو,موناكو 2022,فيزا موناكو,امير موناكو,فريق موناكو,موناكو 2021,يوخوت موناكو,ميناء موناكو,موناكو سيتي,مطار موناكو,علي الحمودي موناكو,اثرياء موناكو,جناح الملوك في موناكو,موناكو معلومات,الحمودي جناح الملوك في موناكو