سانت كوينتين وحوسة العيش والفرانين – فرنسا - - موقع اللى حصل

6 أبريل 2022
التصنيف :
حكايات الاسفار

فرنسا – مدينة (سانت كوينتين)


حديثها ممتع ومضحك وفى نفس الوقت هادف. عن السيدة (فيبى وجية دميان) أتكلم. مصرية مقيمة في مدينة (سان كوينتين) بفرنسا. وحدثتنا عن موضوع طريف بعنوان. (سان كوينتين وحوسة العيش والفرانين) وبدأت حديثها بالهجة مصرية سليمة وكانها غادرت مصر من يومين وليس عشرون عام وقالت.

كلنا فاكرين المشهد بتاع (إسماعيل ياسين) والراجل نزيل مستشفى المجانين اللى حاطط ودنة على الحيطة وبيسمع ولما (إسماعيل) حط ودنة يسمع ويعرف الراجل بيسمع اية .. مسمعشى حاجة وقال للراجل (أنا مش سامع حاجة) ..صرخ الراجل وقال (مهووووو دة اللى مجننى).

 فى فرنسا انواع كثيرة من الخبز. ولكن أشهرها واكثرها انتشار هو ثلاث أنواع. نوع اسمة بايغل (Bagel) ودة خبز خاص باليهود. وعلشان كدة العرب مش بيقبلوا علية. ولا حتى الفرنسين.  والثانى اسمة بول (Boule) شبة الكورة. ومعرفشى لية الاقبال علية مش كبير. والنوع الثالث اسمة باجيت (Baguette) ودة شبة العيش الفينو بتاعنا. بس الرغيف عملاق .. ومحبوب جداً ومنتشر جداً هناك. طولة بيكون حوالى 70 سم ووزنة حوالى 200 جرام.

سان كوينتين وحوسة العيش والفرانين

لكن لما تروح نشترى الـ(الباجيت). تتفاجئ انة بيباع بسعرين. رغيف بـ (95 سنت/يورو) ورغيف بـ(1 يورو). يعنى واحد يزيد عن الآخر بـ(5 سنت/يورو). ولما تسأل لية الفرق فى السعر ؟ .. يقولك. ان احدهم بطولة وشكلة الطبيعى وهذا بـ(95 سنت/يورو). اما الآخر مثنى .. على شكل حرف (U). ولاجل هذا التعديل تم زيادة سعرة ( 5 سنت/ يورو). طيب والتعديل لية أصلاً؟؟. يقولك .. الشباب على الفيس بوك انتقدوا طول الرغيف. ونزلوا رسومات ساخرة …وبعضهم ذكر انة صعب الحمل مع قيادة الدراجة العادية او النارية. وأخرى قالت انها تعانى من حملة والانتقال عبر المترو والمواصلات
.
وعنها يابهوات واصبح الموضوع الهايف دة .. حكاية وقضية. ناس بتشتكى وناس بتقدم حلول. منهم اللى صمم شنطة تحمل على الكتف لحل المشكلة. ومنهم اللى عرض فكرة الرغيف على شكل (U)

طبعاً انا والله عارف اللى بيدور فى دماغ كل واحد بيقراء البوست. اكيد بتقولوا …. طيب ولية ميعملوش رغيف اصغر.  او لية اللى يشترية مش بيقسمة اتنين علشان يبقى سهل فى حملة. او لية اللى بيشتكوا مايشتروش العيش التانى المدور (Boule)

 ارد على حضرتك… واقولك مقولة الراجل نزيل مستشفى المجانين. اللى مع إسماعيل ياسين .. واقولك … (مهووووو دة اللى مجننى). واسمحوا في اخر الحكاية اسأل حضراتكم سؤال .. لو انت اللى بتشترى. ياترى تشترى الكبير ابو (95 سنت/يورو) ولا المعدل ابو (1 يورو) ؟؟. علشان بس اتأكد انا اتصرفت صح ولا لاء …؟؟ 

وعن السياحة في (سان كوينتين) فهى مدينة هادئة ولا تاتيها السياحة بكثرة مثل باريس ولكن من اهم مزارتها بارك ديزيل

متحف الفنون الجميلة أنطوان ليكويير

قرية متر ديانتان ومتحف موتوبيكان

متحف بابيلون

حُلم معاوية

سان كوينتين وحوسة العيش والفرانين- سان كوينتين وحوسة العيش والفرانين – سان كوينتين وحوسة العيش والفرانين – زيارة فرنسا,دينان فرنسا,سان مالو في فرنسا,متاحف فرنسا,فرنسا,شمال فرنسا,جمال فرنسا,تاريخ فرنسا,مناطق فرنسا,سفر إلى فرنسا,السفر الى فرنسا,أجمل مناطق فرنسا,بيوت فرنسية,أجمل المناطق في فرنسا,مدينة دينان الفرنسية,سان مالو,فلوق سفرتي,اجمل يوم بحياتي,سفر,بروتاني,فلوق رحلتي,سفر حول العالم,السفر حول العالم,هندسة معمارية,تاريخ,bretagne,saint malo,dinard,المد والجزر,جو حطاب,رحالة,الرحاله,الفلوقات,joe hattab,ابن حتوتة

Comments are closed.

error: عفواُ .. غير مسموح بالنسخ