الولايات المتحدة الامريكية – مدينة (وايت أوك)
كان رد الصيدلى سامح الزهيرى. المغترب المصرى الذى يعمل فى هيئة الأغذية والأدوية (FDA) الامريكية والمقيم فى في وايت أوك، بولاية ماريلاند. عن سؤالى لة عن اطرف موقف حدث لة فى الغربة. فرد قائلاً …. انا مش حقولك اطرف موقف تعرضت لة فى امريكا. لانها كتيرة. لان انا هنا من 25 سنة. لكن حقولك حكاية هدية العيد من مستر ريد ودة أخر موقف حصل معاية واثر فيا جداً.
للاسف هنا فى امريكا مش بناخد اجازات فى الاعياد الاسلامية بتاعتنا. وكان فاضل على عيد الاضحى حوالى اسبوعين. فقررت انتهز فرصة انة فى نهاية كل الشهر لو فية اعمال معطلة. بيطلبوا متطوعين للعمل ايام الاجازات نظير استبدالها بأجازات فى أيام أخرى .. أو الحصول على بدل مادى.
طبعاً سارعت وطلبت اشتغل يومين أجازاتى الاسبوعية .. لاستبدالها بأجازة أيام العيد. ولكن يشاء الله ان امرض واستهلك اليومين مرضى .. والسادة بتوع الـ(HR) قالوا صعب انك تخرج من أجازة مرضية وتأخذ أجازة ثانية .. القرار دة يحتاج دعم وموافقة رئيس المركز .
وطبعاً لما يتقال لك (انت محتاج موافقة رئيس المركز) كأنة بيقولك (روح العب مع الاسد) يعنى .. معناها انك بتطلب المستحيل ..لان دة مش رئيس القسم .. دة رئيس المركز مستر (آيدج فنيكس ريد).. يعنى الـ(Bigg Boss)
هو الحقيقة راجل محترم وانسان ودود ومهذب ..لكن دائم السفر والتنقل ولمقابلتة تحتاج مناقشة الامر مع السكرتارية لتحدد لك موعد قد يكون بعد اسبوع او أكثر ..
هدية العيد من مستر ريد
سلمت أمرى لله ونزلت الشغل .. يوم الاربعاء اول يوم العيد.. فى الطريق استقبلت اتصال من رئيسى المباشر يطلب منى التوجة لمركز الاختبارات لاستلام تقارير مهمة .. والحقيقة رحت وأنا قرفان مهو اليوم كلة يخنق شغال فى العيد وكمان يدبسونى فى مشوار منيل لاستلام تقارير .. واكيد لما استلمها لازم يطلبوا منى تفريغ النتائج … يعنى يوم مايعلم بية غير ربنا ..
توجهت لقسم الاختبارات والابحاث لاستلام التقارير .. سمعت من خلفى يقول .. كانت انوى اثارة مشاكلة ومعاقبة رئيس القسم لديكم. اذا أرسل شخص غير متخصص لاستلام التقارير.
التفت لرؤية المتحدث .. وأذا بة .. (رئيس المركز) آة والله العظيم .. زى مابيقولوا بالانجليزى (in the flesh) يعنى بشحمة ولحمة. طبعاً مفاجأة غير متوقعة .. وربنا اللهمنى انى ارد علية واقولة (ياسيدى نحن نعلم انها تقرير مهمة .. وغالباً نحتاج لمناقشة بعض النقاط حولها ولهذا يستلمها دوماً احد الصيادلة بالقسم .. ولا نعتمد على يستلمها الساعى او شخص غير متخصص. ولكن لو كنت شرفت بمقابلة سيادتك قبل الان لكان زميل آخر هو من يستلمها .. وليس انا
وبمجرد ما لمحت الاستغراب والاستفسار فى عينية لم أنتظر ان يسأل (لماذا زميل غيرك) واكملت بسرعة واخبرتة اننى مسلم وان اليوم (عيد) عند المسلمين …. وكانت اتمنى ان أخذ أجازة. وشرحت لة ماحدث … وموضوع المرض …. وما قالة موظف الـ(HR).
هدية العيد من مستر ريد
والله العظيم حكيت الموضوع كلة فى نفس واحد وخلال 4 ثوانى لانى عارف انة مش هيقف يسمعنى اكتر من دقيقة لان معندهوش وقت….. والمفاجأة الاجمل انة طلب ان ابلغ موظف الـ(HR). ان يسمح لى. بأجازة يومى (الخميس والجمعة). واعوضهم بأن أشارك فى الاسبوع الاخير من هذا الشهر فى قائمة المتطوعين للعمل يومى الاجازة. لتعويضهم. ودة كانت هدية العيد من مستر آيدج فنيكس ريد.
شفت لما ربنا يوفقك لمقابلة الشخص المناسب فى الوقت المناسب. كنت بحلم بأجازة يومى (الاربعاء والخميس) اللى هما اول يومين العيد.. يشاء ربنا انى اخد ايام (الخميس والجمعة) وعليهم اجازتى الاسبوعية يومى (السبت والاحد).
وحدثنا الصيدلى سامح الزهيرى. عن ولاية ماريلاند التى بقيم فيها وقال انها تقع بين ولايتا فرجينيا وواشنطن العاصمة. وتتنوع مظاهر السياحة فيها من اماكن تاريخية واماكن للمرح. والشواطئ.
واهمها شاطئ اوشين سيتى وميناء بالتيمور.
وساحة معركة انتيتام الوطنية. وحصن ماكنزى الوطنى.
ومنتزة أوريول وهو مكان مخصص للعبة البيسبول
امريكا,الحياة في امريكا,أمريكا,فيزا على امريكا,العمل في امريكا,هجرة على امريكا,العرب في امريكا,استكشاف امريكا,يوتيوبر في امريكا,الفيزا الى امريكا,العيد في امريكا,السفر الى امريكا,فيزا دخول امريكا,اهل غزة في امريكا,الوقود في امريكا,الحياة فى امريكا,امريكا والسعودية,الشركات في امريكا,افضل ولاية امريكية,كذب امريكا,مدن امريكا,طلاب امريكا,فيزا امريكا,الهجرة إلى أمريكا,اخبار امريكا,طبيعة امريكا,أمريكا؟
هدية العيد من مستر ريد
هدية العيد من مستر ريد – هدية العيد من مستر ريد – هدية العيد من مستر ريد