إيطاليا – مدينة (روما)
(بينوبالى وعجينة خلوها طحينة). دة كان مضمون القصة اللى حكاها الشاب المصرى (كريم نبيل الدمرانى) الدارس بجامعة سابينزا في روما (Sapienza University of Rome). ورغم اسلوبة الساخر. وخفة دمة المصرية الا انة لفت نظرنا لموضوع مهم للغاية. علينا جميعاً ان ننتبة الية. وهو ان مايحدث في مصر يعرفة العالم … هم منتبهواً الينا بشكل غريب.!!!
قال الأستاذ والرياضى المصرى (كريم).. على مايبدوا ان بينا وبين ايطاليا تار قديم بسبب الفنان عادل امام .. وكانوا شايلين فى قلبهم وساكتين … ومصدقوا سمعوا كلام اهبل صرح بية واحد للاسف محسوب علينا نائب فى البرلمان واخدوا الكلام ونشروة … بالبلدى (سيحوا) بية . البداية كانت من سنين لما الفنان عادل امام عمل فيلم. عنتر شايل سيفة … وقال فية العبارة المشهورة (سونو عنتر كيافاتو جيوكلانو توتا روما). ومعناها (انا عنتر اللى مسجد روما كلها)….. وشالوها فى قلبهم لحد ما جة النائب الهمام (الهامى عجينة) وقال تصريحاتة الهبلة. اللى بيطالب فيها بختان البنات .. وقال ماهو أسواء من ذلك
بينوبالى وعجينة خلوها طحينة
حضرتة بيقول ان دة لازم يتم علشان تعف النساء. وكمان لان رجال مصر …(عفواً فى اللفظ) ضعاف .. مبيعرفوش …طيب اتكلم عن نفسك يل آخ (عجينة ولا عجيبة). المصيبة ان الكلام دة اتنشر فى كل صحف اوربا تقريبا
بس فى ايطاليا زودوا العيار شوية .. مش بقولك انتقام. (الصوة رقم “1”) دة صورة المقال اللى اتنشر فى إيطاليا. وانتشر بثلاث لغات .. ايطالية .. فرنسية .. انجليزية. يعنى بقت فضيحة عالمية.
لكن يشاء السميع العليم ان من عشرة ايام .. السيدات الايطاليات يعملوا مظاهرة ..بيطالبوا بعدم استعامل وسائل منع الحمل … وبيقولوا ….الرجالة اللى مش عايزين (حمل ولا اولاد) يستخدموا هما (عازل). لكن ميجبروش النساء على تناول حبوب او غيرها من الوسائل منع الحمل. (الصورة رقم “2”).
ومن يومين حدث مالم يكن فى الحسبان …خرجت مظاهرات نسائية آخرى ..مناوئة للاولى ..بتقول فيها الستات ما معناة احنا موافقين نستخدم العازل بس الرجالة تقوم (بواجبتهم). ومسكوا علاقت ملابس (شماعات) ..
المقصود بحمل (الشمعات) رمز ان الرجالة متستخدمش حكاية العازل (شماعة تعلق عليها .. خيبتهم). لان بعض الرجال قالوا .. ان على الازواج الامتناع عن زوجتهم علشان يتأدبوا. (الصورة رقم “3”).
بينوبالى وعجينة خلوها طحينة
يانهااااار ابيض ياجدعااان …هو رجالة ايطاليا .. مش قايمين بواجبهم .. وطلعوا مبيعرفوش. وعمالين يتكلموا على المصرين ويرددوا كلام الغبى (الهامى عجينة). انا كل اللى فات دة ولا يهمنى …لكن العبارة اللى همس بها الصديق اللى ورانى الخبر على الانترنت. هى اللى عجبتنى قوى بصراحة. الواد شاور على واحدة فى المظاهرة وقال انة الهانم دة .. تبقى زوجة (بينوبالى) المدرب وصاحب صالة الجيم اللى كنت بروح فيها. كانت مفاجأة صادمة ان العملاق (بينوبالى) اللى قد الباب. واللى مسمينة (bestia) يعنى الوحش يطلع (قطة) ومبيعرفش … ومش كدة وبس. دة الوحيد فى ايطاليا كلها اللى كلمنى على تصريحات (الهامى العجينة). وكأنة بيتشفى فى المصرين .. أهو ربنا فضحة على رؤس الاشهاد… (اللى يجى على المصريين عمرة مايكسب)
انا كنت منقطع عن الصالة (بينوبالى) بقالى شهور. بس من الامس بدأت اوجة دعوات لكل اصحابى علشان نتجمع يوم الاحد القادم فى صالة الجيم دة ونعمل حفلة على (بينواااا) .. التار ولا العار … جايلك يا (بينواااا) …والله دة مش علشان .. دة علشان مصر .. آحبيبتى ياااامصر
بالنسبة للسياحة.. ايطايا تعتبر بلد سياحى والمزارات والأماكن السياحة فيها كتيرة. منها نافورة تريفي او (نافورة الامنيات) تعتبر من اشهر الاماكن السياحية في روما ومن اقدم أثارها بنيت سنة 1762.
ساحة نافونا من اشهر ساحات مدينة روما ايطاليا واكثرها جذباً للسياح
السلالم الإسبانية تعد من اشهر المناطق السياحية في روما ويرتادها الكثير من سيّاح المدينة للجلوس والتصور عليها
المنتدى الروماني واحد من المناطق الاثرية المهمة ويقع في وسط مدينة روما ويضم آثاراً واعمدة وقطع اثرية رومانية
روما,ايطاليا,سياحة,السياحة في ايطاليا,السياحة في روما,زيارة روما,السياحة في روما – ايطاليا -,روما سياحة,إيطاليا,روما ايطاليا,السفر إلى روما – ايطاليا -,روما ايطاليا سياحة,الرحلة الى إيطاليا – روما -,رحلة ايطاليا,زيارة روما ايطاليا,سياحة ايطاليا,ايطاليا سياحة,مطاعم روما,عاصمة ايطاليا,سياحة في ايطاليا,مدن ايطاليا سياحة,سياحة إيطاليا,سياحة روما,سياحة في إيطاليا,سياحة في روما,مطار روما الدولي في ايطاليا,السياحة,اهم المدن في ايطاليا